PARA SA IYO…NAY
Paano ba uumpisahan, tulang ito para kay Nanay..
Sa tuwing magsusulat, papel ay niluluray
Sa isang baguhan tulad kong di sanay
Susubukan lahat alang-alang sayo Inay
Anim kaming magkakapatid, Nay di biro yan..
Ako bilang panganay batid ang iyong pinagdaanan
Sa murang isip ko, aking naintindihan
Mga sakripisyo na iyong pasan-pasan..
Nay , kami’y nandirito ngayon sa harapan mo
Masdan mo Nay …meron bang nagbago?
Ako na lang ang sasagot para sa iyo..
Inay..wala ..kami pa rin ito..
Sa puso, damdamin at isipan nandito ka sa aming puso.
Hindi malilimutan mga ginawa mo..pag-aaruga, pang-unawa
At walang sawang sakripisyo
upang mapalaki kami ng ganito..
Ngayon kami ay may kanya-kanya ng pamilya
Nay ..ikaw ang naging idolo
Mga pangaral at kabutihan mo
Ang siyang naituro sa iyong mga apo..
Manalig at manalangin sa Diyos laging isapuso
Ito ang magsisilbing gabay, saan man kami patungo.
Maraming Salamat, Nay..Salamat..ngayon lang ito nasambit
Hindi man nasabi kahit sa’yong panaginip
Iyong tatandaan, kami ay nandito lang
Gagabay at aakay sayo magpakailan pa man.
NAGMAMAHAL ANG IYONG MGA ANAK
MINDA, DAVID, JOSIE, MONET,NINGNING AT MONLITE
MGA APO
JANNA, JAPO, DENDEN, DEBBIE, ANDREW, DOTTIE, LAURA JEFF, ESCIE AND TEBAN
